الأربعاء، 9 أبريل 2014

مربى الليمون الحامض








اخواتي حبيباتي في الله   عشاق الحامض والكونفتير هاد الطريقة الا جربتوها تعجبكم كثيروتصبح معتمدة عندكم
المقادير
  كما توضح الصور 4 حامضات كبار وصحاح وصفراوات اللون ضروري جدا باش ما يجيش الكونفتير مر 
لتر ماء
كيلو سنيدة 
الطريقة جد بسيطة وعملية وماتخدش كثير وقت 
في كوكوط كنحطو الحامضات صحاح مع لتر ماء ونسدو كوكوت وغير تبدا تصفر نحسبو الوقت ربع ساعة فقط ولا غير من بعد نفتحو كوكوت وناخدو الحمضات نحلوهم ونزولو منها العظام ونحطوهم في مولنكس ونطحنوهم مزيان ونرجعوهم لكوكوط ونزيدو سنيدة نحرك مزيان ونشعل عليهم ونخليهم يغلاو ونبقى نحرك كل مرة بلا ما نسهى عليهم حتى نحس بالخليط بدا يتقال في يدي نكثف التحريك  المدة متفوتش 20 دقيقة  والنار عينك ميزانك مرة ناقصة مرة متوسطة  باش نتاكد اختي انو المربى ديالي طابت غدي تتكون فوق المربى قشرة شفافة نطفي النار ونصبو وهو مزال سخون في قريعات معقمين وشهية طيبة اختي  











لاحظي القشرة الشفافة في الصورة التانية  





استودعكم الله الذي لا تضيع ودائعه وارجو منكن الدعاء لوالتي بالشفاء العاجل 

ليست هناك تعليقات:

إرسال تعليق