الأربعاء، 26 مارس، 2014

كرعة معمرة بطريقة عربية

السلام عليكن اخواتي عساكن بخير 


هاد الطريقة شفتها عند الاخت اللهم اهدني واهدي بي

اول حاجة نقعو الروز العادي في الماء البارد مدة ساعة

تاني حاجة نوجدو الخلطة ديالو وهي اهم حاجة 
ربطة كبيرة ديال القزبور وربطة كبيرة معدنوس مكرضين مزيان 
كنور 
واحد مطيشة كبيرة وبصلة كبيرة واربع ضروس تومة والتوابل الي بغيتي انا درت الخرقوم التحميرة الابزار الكامون شوية ديال الزعتر ملح 
زيت بلدية او رومية ما شي مشكل 
ناخدو الكوسة تكون في نفس الحجم ونشرطوها بهاد السكين ديال خيزو الجيهة المسننة باش تعطينا شكل زوين 
خلطنا الارز مع الخلطة نقورو الكرعة ما نرميوش قلبهاونحشيوها اي نعمروها 
كدلك الفلفل نعمروه
نوجدو الدجاج او اللحم 
انا درت الدجاج ليقامة ديالو البصلة والتوم والتوابل والملح ونشحروه من بعد نمرقوه مزيان بتاش نلقاو المرقة الي نضيفوها على الكوسة والفلفل من بعد ملي يطيب نصفيوالمرقة ديال الدجاجفي صينية او كاميلة نرصو قلب الكوسة وانا ضفت عليه الكرومب مكرض نرصو الكوسة والفلفل 
حطو الدجاج الي طاب فوق الكوسة والفلفل ونضيفو المرقة الي صفينا ونديروه فوق البوطاجاز او في الفرن 
بعد ما نغطيوه ملي يغلي نقصو عليه العافية




السبت، 22 مارس، 2014

غريبة بحال ديال الزنقة بايادي الاخت شمس الضحى


 تطبيق شمس الضحى لغريبة بحال ديال الزنقة الله يعطيها الصحة 




الخميس، 20 مارس، 2014

زعلوك بالدنجال والفلفة

السلام عليكم اخواتي 
هاد الطريقة ساهلة وبنينة بزاف انشاء الله تجربوها وتعجبكم 
المقادير 
دنجال بقشوره مقطع مربعات 
فلفلة واحة مشوية 
ماطيشا واحدة كبيرة 
نصف كاس زيت الزيتون وشوية زيت ر ومية 
ملح ابزار 
تحميرة 
شوية كمون 
3 فصوص ثوم 
الطريقة 
قطعي الدنجال ورشيه بشوية حامض باش ما يكحالش وحطيه في مقلة مع الزيت والملح وحركي حتى يدبال انا هنا قشرت شي دنجالات كنت محتاجة لقشور في وصفة تجميلية 
غير يدبال الدنجال اضيفي الثوم وحركي حتى تطلع ريحتو زيدي ماطيشا والتوابل والفلفلة مشوية وقطعة وغطي المقلة باش ماطيشا تطلق الماء ويطيب الزعلوك ديالنا 
راقبي الملحة قبل التقديم 
الصور ستوضح اكثر 
دعواتكم اخواتي عن ظهر الغيب بالشفاء لوالدتي 








تطبيق لمسمن التفاح من طرف الاخت شمس الضحى

الله يعطيك الف صحة اختي تطبيق ممتاز

رابط الوصفة اضغط هنا 

الأربعاء، 19 مارس، 2014

عصير البطيخ (سويهلة ) والتوت



السلام عليكم اخواتي هاد العصير غني بالفيتامينات ولذيذ

كاس كبير حليب بارد جدا 
زلافة توت 
قطع ديال سويهلة 
2 معالق حليب غبرة 
سكر حسب الدوق 
عملت ملعقة واحدة 

تطحني كلشي وها العصير واجد 





الثلاثاء، 18 مارس، 2014

طاجين الكرعة الحمراء وسفرجل معسل

السلام عليكم اخواتي هاد طويجين كيجي زوين وانشاء الله يعجبكم 
المقادير 
لحم غنمي 
بصلة كبيرة مشلظة 
3 بصلات مقطعين دوائر 
3 ماطيشا مقطعين دوائر 
معدنوس مربط 
سفرجل حسب الطلب 
عواد قرفة والتوبل اللازمة تحميرة +خرقوم + سكين جبير وقرفة وملح 
نصف كاس زيت رومية او اكثر 
الطريقة 
سفرجل نخسلوه بالماء والخل والشيته ههه لحقاش مغديش يتقشر 
نعسلوه في طنجرة مع الماء الكافي وسنيدة تقريبا كاس سنيدة +شي عويدات القرفة ومعلقة صغيرة زبدة 
نشحرو البصلة مع اللحم انا طيبت اللحم نصف طيبة في كوكوت مع التوابل وربطة معدنوس كنت مزروبة عاد حيدتو وشحرتو مع البصلة وحطيت من فوقو كل من الكرعة والبصلة دوائر والماطيشا وكل مرة نرش القرفة شوية ومعلقة صغيرة سنيدة وزدت المرقة لي طاب فيها اللحم خليتهم حتى طابووزينتهم بالسفرجل المعسل 


ملاحظة ممكن الاستغناء عن الكرعة الحمراء ةالاكتفاء فقط بالكثير من البصل ..
















تطبيق ليلى ام وصال للكيكة المعلكة

تبارك الله عليك اختي ليلى تطبيق هائل 
كيكتي لمعلكة اضغط هنا 



تطبيق ليلى ام وصال لكراتان سباكيتي بمذاق البيتزا



ما شاء الله عليك اختي ليلى ام وصال تطبيقهائل 





الأحد، 16 مارس، 2014

تطبيق الاخت ناية 07

ما شاء الله عليك اختي نادية تطبيقك زوين بزاف الله يعطيك الصحة ويجازيك بخير 






تطبيق الاخت ام اسامة وايمان ما شاء الله

الله يعطيك الصحة اختي ام اسامة تطبيقك هائل الصراحة الله يحفظك تفننتي في التزيين الله يجازيك بخير 









تطبيق الاخت عاشقة القراءة للكيكة لمعلكة


الله يعطيك الصحة اختي تطبيق هائل