السلام عليكم اخواتي
قريشلاتي بدون بيض ولكن كيجيو هشاش
![]()
المقادير
زلافة زيت
زلافةسنيدة زلافة ماء خمارة حمراء واحدة
خمارة ديال الخبز حسب الجو
نافع او ينسون مطحون 2معالق كبار
زلافة صغيرة جنجلان نترك منها قليلا للتزيين
كيلو ونصف دقيق ابيض ممتاز
الطريقة في اناء نحط زلافة فرينة مع 2 معالق سنيدة والخمارة ديال الخبز نخلط الكل ونخليهم يخمرو نصف ساعة
في قصرية كبيرة نحط الزيت وسنيدة والخمارة وشويشملح راس معلقة تقريبا نخلط مزيان واضيف الخليط ديال الفرينة لي يكون خمر احرك جيدا واضيف الينسون والجنجلان ثم الدقيق والخمارة اخلط الكل وادا احتاجينا للمزيد من الماء اضيف ماء دافئ بالطبع
العجين يكون خفيف مزيان في هاد الوقت ندهن كوكوت او الة الضغط بالزيت واسخنها لثواني ثم احط العجين الجاهز داخلها واسد باحكام واضع الصفارة ..اترك الخليك ليختمر مدة ساعة ثم افتح الة الضغط وابدا بتشكيل كرات بالحجم الدي اريد اترخ الخبيزات المحصل عليها تختمر مرة تانية ثم ادهنها باصفر البيض وارش عليها الجنجلان للي هو السمسم طبعا
اطهو لقريشلات في فران ساخن وشهية طيبة
يمكن تقديمها في فطور الصباح او مع القهوة المساءية....دمتم في رعاية الله
ارجو الدعاء لوالدتي بالشفاء العاجل
