كراتان البطاطس بالكفته

السلام عليكم و رحمة الله تعالى و بركاته انيقاتي

نتمنى من الله سبحانه وتعالى تكونو فاحسن الاحوال ياربي امين

الطريقة والمقادير 

3 بطاطس مصلوقة متوسطين .. فاش وزنتهم باش نتاكد عطاوني شوية اكثر على حساب 700 غ

3فرماجات لافاش كيري او اي نوع ديال الفرماج تفظلوه 

ملعقة صغيرة موطارد 

ملح ابزار 

2 فصوص ثوم وقصبر او معدنوس 

كفتة مشرملة ومشحرة ومزال سخونة ههه

نخلطو المقادير ما عدا الكفتة لي نكونو شحراناها في معلقة زبدة 

نرصو البطاطا في المول ما تكونش عالية بزاف ونحطو الكفتة لي عندنا بالشكل لي بغينا المهم تكون داخلة ونصبو فيهم الماء لي طلقت الكفتة حتى هو ..باش حتى حاجة ما ضيع 

في اناء نخلطو 2 بيضات او 3 مع ملعقة كبيرة قشدة و2 معالق حليب وملح وابزار ونصبوهم على وجه لكراتان والى الفرن وشهية طيبة