السلام عليكم انشاء الله تعجبكم هاد الوصفة وتحربوها راه فعلا ساهلة ولديدة
هاد الصوص كتخدم على طريقة الصوص بيشاميل لي نعرفو وبدل الملح غدي ندخلو عليها السكر والشكلاط
المقادير
60 غ زبدة 60 دقيق
نصف لتر حليب
فاني
3معالق شكلاط غبرة
12 مربع شكلاط الخاص بالحلويات
2 معالق سنيدة
الطريقة
ندوبو الزبدة ونحمرو فيها دقيق واحد شوية ..نحيدوها من على النار ونزيد الحليب وسنيدة ونحاول نضربها مزيان باش دقيق يتحل نزيد الشكلاط غبرة والفاني ونرجعها فوق النار غير نحس الخليط سخن مزيان نزيد مربعات الشكلاط ونحرك حتى يتقال الخليط ويصبح جاهزا باش نصاوب الدسير
نوجد لكويسات لي غدي نقدم فيهم الدسير او زليفات ونحط فيهم طبقة ديال البسكوي مكرض ونحط طبقة ديال الصوص ثم طبقة بسكوي مفرتت ثم طبقة صوص ..ونزين باش حبيت
طريقة الكيكة
نستف حبات البسكوي بلا ما نخلي فراغ ونحط فوقهم الصوص بيشاميل شكلاط وندهن البسكوي مزيان ممكن تغمس البسكوي في حليب ونسكافي انا هنا مغمستهمش
ملاحظة الا شفت الصوص بردت وعقادت بزاف نخففها بشوية حليب ونرجعها فوق النار حتى ينسجم الخليط
نعمل 4 ديال الطبقات او 5 وفي كل مرة ندهن بالصوص بطبيعة الحال وفي الاخير نحط ما تبقى من الخليط ونقاد جناب ونحط التزيين لي حبيت
ليست هناك تعليقات:
إرسال تعليق