الثلاثاء، 11 فبراير 2014

كراتان بالكرعة الخضراء والصوصيص

لى محبات المحاشي و الكرعة معمرة هاد الطريقة كتجي بنينة ومشبعة وممكن تنوعي بها او تحطيها كطبق مهم في مائدتك 
المقادير 
حبات ديال الكرعة مقسومين طوليا ومخرطين من داخل 
كمية من الصوصيص حسب عدد الكرعة 
صوص ما طيشا منسمة بالزعتر والكمون وماطيشا ديال الحك 
فرماج محكوك 
الطر يقة 
كنشدو لكريعات الخاويين وندهنوهم مزيان بالزيت وندخلوهم ربع ساعة للفرن يتشواو شوية 
نخرجوهم ونحطوعلى الوجه نصف صوص ماطيشا لي طيبنا 
نحط من فوق الصوصيص ونزيد صوص ما طيشا ونغطي بفرماج محكوك والى الفرن 
الصور توضح اكثر انشاء الله 
ملاحظة 
باش حتى حاجة ما ضيع الكرعة لي خرطتها عملت منها زعلوك بعد ما ضفتلو الاضافات الاتية 
2 دنجالات مفورين 
ماطيشا واحدة 
ملعقة معدنوس 
ابزار وملح وكمون وتحميرة 
اي اخت دخلت وعجبتها الوصفة تدعي مع ابنائي بالصلاح والتوفيق في الدراسة 









مرسلة بواسطة في

هناك تعليق واحد:

الاشتراك في: تعليقات الرسالة (Atom)