اخواتي الغاليات السلام عليكن اليوم فكرت نحط ليكم طريقتي في طياب الطحال ولي كتعجبني بزاف
طحال مقطع بالمقص ممكن تصلقيه 5 دقائق باش يسهال التقطاع
بصلتان
2طماطم نا استعملت زلافة صغيرة من لاصوص السريعةكانت موجوجدة عندي
ربطة معدنوس
فص ثوم
الزيت نصف كاس تقريبا ممكن تخلطي معاها زيت الزيتون
ملح سكين جبيرخرقوم بزار شوية ملون وكمية من الكمون
ملاحظة الكمون نضيفو اخر حاجة فاش نبغي نطفي عليها
الطريقة
تقلي الطحال مزيان مزيان في المقلة مع الزيت والملح فقط فاش تحسي بيه جمع راسو زيدي البصل والثومة محكوكة وحركي وخلي البصل يتشحر مزيان ويطلق الماء ديالو حتى ينشف عاد زيدي الطماطم غطي وخليه يطيب على نار مهيلة بعد ما تزيدي العطرية ديالك ..هده هي المرحلة لي نزيد فيها العطرية باش متحرقش ليا فاش يطيب طويجين مزيان نزيد الكمون لي خليتو حتى الاخر ونحرك ونطفي ...ويا سلام ....
ليست هناك تعليقات:
إرسال تعليق