الثلاثاء، 11 فبراير، 2014

المقروط بالتمر

عزيزاتي...اليوم جبت لكم المقروط لي صاوبت مؤخرا.. راه كيجي بنين موالفة نصاوبو في كل رمضان
وفي غير رمضان عزيزاتي ...اليوم جبت لكم المقروط لي صاوبت مؤخرا.. راه كيجي بنين موالفة نصاوبو في كل رمضان 
غدي نحتاجو للحشوة 
تمر منقي ومغسول ومفور..او يمكن ليكم تشريو الموجود 
فاش يكون التمر مزال سخون نضيفلو ملعقة صغيرة عامرة زبدة 
ملعقة كبيرة ماء الزهر
ملعقة متوسطة قرفة 
ممكن كوزة 
يمعس جيدا ويترك جانباللعجين غدي نحتاجو
1كلغ ونصف سميدة غليظة+ملعقة صغيرة قرفة +قبسة ملح
زلافة عامرة زبدة دائبة ..كنستعمل( بدوية) في المقروط لانو فيها سمن بزاف... او بعض المرات كنستعمل الزبدة ديال لعبار ( مشي لذة )...راه الثمن ديالها شوية غالي..
كاس العنبة زيت
ولمحبي ماء الزهر يمكن ليهم يستعملو قطرات من روح الزهر 
انا مستعملتوش وحتى ماء الزهر منستعملوش لانه كيقسحلي لعجينة
ماء +قبصة زعفران لجمع سميدة 
الطريقة 
نبسسو السميدة بالليل بالزبدة والزيت ونغطيوها ليلة كاملة 
عاد نجمعوها بالماء الملون .. لكن شوية بشوية منجمعوش العجينة في مرة .كل مرة نجمعو كرة نخدموها عاد نزيدونجمعو كرة اخرى باش سميدة ما تنشفش لينا ..وانشاء الله الصور غدي توضح الطريقة ....
نعملو حرابل ونسرحوهم سمك 1 سنتم ونحطو التمر في الوسط ونعاودو نحربلوهم
نزوقوهم بمرشم الخاص بالمقروط او حتى بسكين نعملو معينات بالسكين حتى هو كيجي المنظر ديالو زوين 
فاش كملت التقطاع ديالو ...
صافي فاش كملنا نبداو عملية القلي ..بحال الا راحنا نطيبو الشباكية
نقليو ونعسلو طبعا فعسل منسم بروح الزهر
بالنسبة للزيت نحاولو منغطيوش لوجه بزاف ديال المقروط ..
في الطريقة التانية منحطش التمر في الجانب نترك حوالي 4 سنتم باش مايتحلش اثناء القلي 








هناك تعليق واحد: