السلام عليكم اخواتي
هاد لكاليط سنوات وان نديرهم كيجيو هائلين
7 بيضات كبار
زلافة سكر
زلافة زيت
5 خمارات حمراء
حامضة محكوكة
3صفار بيض للدهن
كاس صغير عسل
الفورص حسب الحاجة
ملاحظة... للامانة انا نستعمل 10 ديال البيضات كنفقسهم كاملين في قصعة ونحيد منهم 3 صفار بيض ونخليهم جانبا للدهن بعد ما نزيد عليهم شوية حليب او خل
الطريقة
ساهلة نخلطو جميع المقادير ونضيفو الدقيق غي بشوية مابين كيلو حتى كيلو ونصف المهم تبقى العجينة رخوة او بمعنى اخر جارية وتلتصق باليد....ممكن نصبرو على الخليط واحد 10 دقائق باش العجينة تشرب مزيان ويسهال علينا التعامل معاها ... نغسلو يديياتنا ونعاودو ندهنوهم بالزيت ...ونستفو القرص متباعدة في المول المدهون بالزيت والمرشوش بالدقيق.. وندهنوهم باصفر البيض... ونعملو خطو بالفرشيت من فوق البيض الا بغينا
انطيبوهم على نار مهيلة غي واحد 2 دقائق او 3في الطبقة الفوقانية...ثم نزلوهم للطبقة السفلى باش يتحمرو...
وها هي النيجة طبسيل زوين وسطل عامر غي لي مبغا ياكل
ليست هناك تعليقات:
إرسال تعليق