الثلاثاء، 11 فبراير 2014

بناشي كلاصي

البنات اليوم طلقت مني العكزة ونضت وجدت هاد البناشي ساهل ونزيدكم راه صحي ...لا ملونات ولا منكهات اطناعية كلشي طبيعي 
المقادير 
كما توضح الصورةة 
نصف لتر حليب نحيدو منو كاس العنبة وبعض المرات نعمل غير رابعة 
ساشي الزا غبرة الشانتيي 
نصف حك نستلي محلى تقريبا كاس العنبة 
4 ديال دانون يومي فاني 
كولي ديال لفريز 
كولي خوخ 
كوليي مشماش 
كاكاوو
بالنسبة للكوليي ديال الخوخ ولفريز تخدي مثلا 200 الفريز او الخوخ تزيدي عليه 3 معالق سكر وتحطيه في كاسرونة فوق النار حتى الغليان حركي لمدة تواني وحيديه من على النار واضيفي ملعقة حامض باش يبقى محافظ على اللون ديالووطحنيه في مولنكس وصفيه 
بالنسبة للكولي مشماش عملت طريقة الاخت المغرب وطني 
400غ مشماش طايب وحلو 
5 معالق سكر 
نصف كاس ماء
يطيبو على نار مهيلة حتى يبان المشماش تهرى بلا ما ياخد اللون ...حيديه وضيفي لو2 معالق عسل وطحنيه 
الطريقة 
طلعي الشانتيي بالباتور مع رابعة حليب انا اليوم عملت نصف لتر حليب بعدما نقصت منوكاس العنبة 
فاش تطلع مزيان الشانتيي نبقى نضيف نستلي شوية بشوية وانانخدم بالباطور فاش نكمل نزيد دانون كلو ...من بعد ما نحصل على خليط متجانس نقسمو في زليفات كبار ونزيد على كل واحد فيهم زلافة صغيرة من الفواكه لي وجدت والقسم الاخيرنزيد فيه كاكاوو يمكن تستغناو على واحد الفاكهة وتخليو الخليطكما هو بلا منكهات










هناك تعليق واحد: