الجمعة، 14 فبراير، 2014

سمك بالخضرة والارزحتى هما ديال النفس.

السلام عليكم 
اخواتي من افظل الطرق لطياب الحوت هاد الطريقة جربوها غدي تعجبكم وتدعيو معايا 
المقادير 
سمك من اي نوع كبير ولا صغير وخا حتى السردين ..المهم نحيدو ليهم السلسول والشوك و مشرملين بالثوم والمعدنوس واقامة ديال الحوت 
خضر مشكلة لي استعملت كرعة وجزر وفلفة خضراء مقطعة ونتي زيدي الخضر لي بغيتي ولي حاضرة عندك في الثلاجة 
2 معاق زيت الزيتون فاش نشحرو الخضرة 
ملح وابزار 
ارز مسلوق ومتبل بشوية كمون وملح
مطيشا مربعات مع الارز 
دوائرطماطم والحامض للتزين 
نصف كاس ماء 
الطريقة 
نفرشو الحويتات ديالنا ونحطو طبقة من ديال الخضرة ثم طبقة ديال الارز ونغطي بماطيشا دوائر وحلقات الحامض ونرش عليهم قطرات من الزيت وشوية قصبر يابس محكوك 
ملاحظة الا استعملتي سردين حطي طبقة ديال السردين وحطي لعمارة وممكن تخطي بطبقة تانية ديال السردين عاد التزيين 
انا غطيت المول بكاغط الزبدة باش ما ينشفش الروز 
الطريقة توضحها الصور






ليست هناك تعليقات:

إرسال تعليق