الخميس، 13 فبراير، 2014

بغيتي طيبي الترفاس اختي ؟دخلي نفيدك بلي نعرف



السلام عليكن اخواتي حبيباتي في الله 
ها هو ربيع دخل وجاب معاه خيراتو ما شاء الله وجدو طويجناتكم وتبعوني 
.اليوم بغيت نفيدك بطريقتي المفظلة في طياب الترفاس كيف كتعرفو الطرق مختلفة ولكن النتيجة واحدة وللي هي مداق مميز ومغاير
المقادير
لحم غنمي او بكري 
2بصلات متوسطين متوسطة 
3فرسات ثوم مهروس
نصف كاس زيت بلدية مع رومية 
باقة ديال ربيع
1كلغ من الترفاس مقطع حسب الرغبة
زلافة زيتون الافضل مصلوق 5 دقائق مع ربع حامضة وملعلقة كبيرة سكر وطرف بصلة 
2 خيزووات مقطعين 
1/2 م ص من فلفل اسود 
خرقوم 
سكين جبير 
قرفة 
نصف ملعقة صغيرة ملح 
ماء حسب الحاجة 
التحضير
نشحرو اللحم الزيت والبصل والثوم مزيان نمرقو ونحطو العطرية ديالنا نخلي اللحم يطيب نصف طيبة ونرمي عليه الترفاس والزيتون وخيزو وربيع ونغلق عليه باش يكمل طيابو نصف ساعة على الاقل 
المرق خاص ما يكون بزا ويجي خاتر هدا علاش مكثرتش الملحة 
التزيين بالبيض 
شي دعيوة ديال الخير من افواهكم وقلوبكم الطيبة لعائلتي بالصحة والعافية





 صورة للترفاس بعد التنظيف 

ليست هناك تعليقات:

إرسال تعليق