السبت، 15 فبراير، 2014

طاجين الكرعة معمرة


السلام عليكم 
هاد طويجين بنين ومتشبعيش منو 
نقعو الروز العادي في الماء البارد مدة ساعة
تاني حاجة نوجدو الخلطة ديالو وهي اهم حاجة 
ربطة كبيرة ديال القزبور وربطة كبيرة معدنوس مكرضين مزيان 
كنور 
واحد مطيشة كبيرة وبصلة كبيرة واربع ضروس تومة والتوابل الي بغيتي انا درت الخرقوم التحميرة الابزار الكامون شوية ديال الزعتر ملح 
زيت بلدية او رومية ما شي مشكل 
ناخدو الكرعة  تكون في نفس الحجم ونشرطوها بهاد السكين ديال خيزو الجيهة المسننة باش تعطينا شكل زوين 
خلطنا الارز مع الخلطة نقورو الكرعة ما نرميوش قلبهاونحشيوها اي نعمروها 
كدلك الفلفل نعمروه
نوجدو الدجاج او اللحم 
انا درت الدجاج ليقامة ديالو البصلة والتوم والتوابل والملح ونشحروه من بعد نمرقوه مزيان بتاش نلقاو المرقة الي نضيفوها على الكوسة والفلفل من بعد ملي يطيب نصفيوالمرقة ديال الدجاج في صينية او كاميلة نرصو قلب الكرعة وانا ضفت عليه الكرومب مكرض نرصو الكرعة والفلفل 
حطو الدجاج الي طاب فوق الكرعة والفلفل ونضيفو المرقة الي صفينا ونديروه فوق البوطا او في الفرن 
بعد ما نغطيوه ملي يغلي نقصو عليه العافية

ليست هناك تعليقات:

إرسال تعليق