الجمعة، 14 فبراير، 2014

كؤوس البسكوي والبشاميل

السلام عليكم 
هاد لكويسات نفس طريقة الكيكة للي بالبسكوي والبيشاميل لي سبق حطيت غير هي هنا بطريقة جديدة ممكن تقدميها فردية لضيافك ولوليداتك طبعا  
 الصوص كتخدم على طريقة الصوص بيشاميل لي نعرفو وبدل الملح غدي ندخلو عليها السكر والشكلاط 
المقادير 
60 غ زبدة 60 دقيق 
نصف لتر حليب 
فاني 
3معالق شكلاط غبرة 
12 مربع شكلاط الخاص بالحلويات 
2 معالق سنيدة 
الطريقة 
ندوبو الزبدة ونحمرو فيها دقيق واحد شوية ..نحيدوها من على النار ونزيد الحليب وسنيدة ونحاول نضربها مزيان باش دقيق يتحل نزيد الشكلاط غبرة والفاني ونرجعها فوق النار غير نحس الخليط سخن مزيان نزيد مربعات الشكلاط ونحرك حتى يتقال الخليط ويصبح جاهزا باش نصاوب الدسير 
نوجد لكويسات لي غدي نقدم فيهم الدسير او زليفات ونحط فيهم طبقة ديال البسكوي مكرض ونحط طبقة ديال الصوص ثم طبقة بسكوي مفرتت ثم طبقة صوص ..ونزين باش حبيت








ليست هناك تعليقات:

إرسال تعليق