الخميس، 13 فبراير 2014

شباكيتي لهشيشة بلخميرة البلدية


اخواتي عواشر مبروكة ورمضان كريم انشاء الله يدخل علينا بالصحة وستر وراحة البال وبالنجاح والتوفيق لجميع وليدات المسلمين 
المقادير كالتالي حسب الترتيب تعمليهم في القصعة
2 زلايف خميرة بلدية ضرورية جدا 
زلافة زبدة +كاس زيت 
خمارة حمراء
كاس الا ربع خل 
زلافة جنجلان محمر ومطحون 
شوية نافع مطحون ومغربل 2معالق+ملعقة صغيرة قرفة 
زلافة صغير لوز مقلي وطحون مزيان 
شوية ملون وزعفران شعرة 
2بيضات
نصف كاس ماء زهر انا عملت كاس عامر 
فرينة حسب الخليط 
الطريقة 
حطي المقادير بالتتابع وفي الاخير اضيفي الفرينة حتى تجمع تبقاي تدلكي وانتي تزيدي الفورص شوية بشوية حيث ضروري لعجينة تكون قاسحة ..
عمليها كويرات صغار باش ميعدبوكش في التوراق حيث العجين قاصح كما دكرت 
والتتمة تشرحا الصور انشاء الله 








الزبدة لي نستعمل في الوصفات لي تتعسل ضروري تكون حيوانية بحال ديال لعبار واليوم استعملت بدوية حيث حتى هي زبدة صفراء
ملاحظة بعض المرات نصاوبها في الليل وحتى لصباح نطيبها وتجي مجعبة وعامرة ثقابي ..هاد النصيحة للي كتبغيها مثقبة وشاربة لعسل او ممكن تخليها ترتاح ساعة عاد طيبها ...وشكرا  


هناك 4 تعليقات:

  1. tbarka allah 3lik bayna bnina o hchicha katchahi

    ردحذف
  2. تسلم الايادي حبيبتي ..

    اختك شريفة
    http://charriffa-akalat.blogspot.com/

    ردحذف
  3. تبارك الله عليك ختي ولكن وريني كيفاش نصاوب خميرى معجونة

    ردحذف
  4. اختي ديري دقيق والماء في اناء وخلطيهم مزيان حتى يولي بحال البغرير وثقيل شوية عصري حامضة ولا 2 وخلي الخليط في مكان دافئ واحد اليومين غدي تلقايها خمرت بداي ضيفي منها في عجينة الخبز وكل ما تعجني بيها وتانقص زيدي الفورص والماء بحال الا كتربيها وهكا غدي تكون عندك خميرة بلدية صحية

    ردحذف